ԱՄՆ Ներկայացուցիչների պալատն իր պատմության մեջ առաջին անգամ պաշտոնանկ է արվել խոսնակը
ԱՄՆ Ներկայացուցիչների պալատն իր պատմության մեջ առաջին անգամ պաշտոնանկ արեց իր խոսնակին՝ հանրապետական Քևին Մաքքարթիին։ Նախաձեռնությանը կողմ է արտահայտվել 216 կոնգրեսական, դեմ՝ 210-ը։
Ինչպես նշում է Reuters-ը, որոշումն ընդունվել է Հանրապետական կուսակցության Մաքքարթիի գործընկերների ներքին հակամարտության ֆոնին։
Վիճաբանությունը Կոնգրեսում հետագա քաոսի հանգեցրեց մի քանի օր անց այն բանից հետո, երբ ամերիկյան խորհրդարանը չկարողացավ համաձայնության գալ ժամանակավոր բյուջեի շուրջ և կանխել դաշնային կառավարության կանգ առնելը, գրում է գործակալությունը:
Հոկտեմբերի 3-ի քվեարկությունը Միացյալ Նահանգների պատմության մեջ առաջին անգամն էր, երբ Ներկայացուցիչների պալատը պաշտոնանկ արեց խոսնակին աջակողմյան հանրապետականների համեմատաբար փոքր խմբի նախաձեռնությամբ՝ Ֆլորիդայի ներկայացուցիչ Մեթ Գետցի գլխավորությամբ: Նա մեղադրել էր պալատի մեծամասնության առաջնորդին դաշնային ծախսերը կրճատելու համար ոչ բավարար ջանքեր ներդնելու մեջ:
Բանաձևի քվեարկությանը նախորդող դեբատների ժամանակ Գաետցը և նրա մի քանի համախոհներ քննադատել էին Մակքարթիին այն բանի համար, որ նա ապավինում էր դեմոկրատներին՝ ֆինանսավորման օրինագիծը ընդունելու համար:
«Մեզ պետք է խոսնակ, ով բացի խոսնակ լինելուց կպայքարի ինչ-որ բանի համար՝ ամեն ինչի համար», – ասել էր հանրապետականների ներկայացուցիչ Բոբ Գուդը։
Մաքքարթիի կողմնակիցները, ներառյալ պահպանողական թևից ոմանք, պնդում էին, որ խոսնակը հաջողությամբ զսպել է ծախսերը և առաջ է քաշել այլ կուսակցական առաջնահերթություններ: Այդ ձեռքբերումները կարող են վտանգի տակ հայտնվել, զգուշացրել են Մաքքարթիի պաշտպանները:
ԱՄՆ Կոնգրեսի Ներկայացուցիչների պալատի ժամանակավոր խոսնակ է ընտրվել Հյուսիսային Կարոլինայի հանրապետական կոնգրեսական Պատրիկ Մաքհենրին՝ հեռացված խոսնակի մտերիմներից, հայտնում է CNN-ը։ Նրա՝ որպես ժամանակավոր խոսնակի պաշտոնում նշանակվելը պաշտպանել են ԱՄՆ Կոնգրեսում երկու կուսակցությունների ներկայացուցիչները:
