Ֆրանսիայի ֆուտբոլի առաջնության չեմպիոն ՊՍԺ-ի և Բրազիլիայի հավաքականի 31-ամյա հարձակվող Նեյմարը տուգանվել է 3,3 միլիոն դոլարով: Տուգանման պատճառը Ռիո դե Ժանեյրոյի իր տանը արհեստական լճակ կառուցելն է:
Շինարարությունը կատարվել է առանց բնապահպանական վերահսկողության, բուսականության ոչնչացմամբ։ Ֆուտբոլիստը լուսանկարվել էր լճակում և լուսանկարը հրապարակել էր սոցիալականh հարթակում ։
Որոշումն ընդունվել է դատախազ Յուրասիարա Սոուզա Մենդես դա Սիլվանի կողմից:
