Jacquemus-ը Վերսալի պալատում ներկայացրել է իր «LE CHOUCHOU» հավաքածուն
Ֆրանսիական Jacquemus բրենդը Վերսալի այգիներում ցուցադրության ժամանակ ներկայացրել է 2023 թվականի աշնանային «LE CHOUCHOU» հավաքածուն։
Նախքան շոուն Սայմոն Պորտե Ժակմյուսը, խոսելով WWD լրատավակaնի հետ, բացատրել է իր համար տեղանքի կարևորությունը․ «Դիզայնը ստեղծելիս ես այնքան ոգեշնչվեցի այս պատմական վայրով, որ այն դրդեց ինձ բացահայտել բազմաթիվ նոր ստեղծագործական հնարավորություններ, որոնք տարբերվում էին իմ նախորդ ցուցադրություններից։ Ինձ համար պատիվ է և հպարտ եմ, որ հնարավորություն ունեմ հանդես գալ այստեղ որպես անկախ նորաձեւության տուն: Սա Jacquemus-ի համար յուրահատուկ պահ է»։ 
Ցուցադրության յուրահատկությունը պահելով՝ հյուրերը նստած էին նավակներում։ Դիզայները հավաքել էր սուպերմոդելների մի ամբողջ խումբ, ցուցադրությանը ներգրավված էին Ջիջի Հադիդը, Քենդալ Ջենները, Մոնիկա Բելուչիի դքւստրը՝ Դեւա Քասելին և շատ ու շատ ուրիշները։
Ցուցադրության գլուխգործոցները ստեղծել են ֆրանսիական կատարելության և իրականության զգացողություն, թափանցիկ ժանյակով, շղարշով և մետաքսով սպիտակ ներքնազգեստի հավաքածուներ, որոնք առանձնացնում էին դիզայների այս աշխատանքը նախորդներից։
Մոդելները կրում էին նորաձևության տան կողմից ստեղծված House նոր պայուսակներ, որոնք տարբերվում էր բրենդի զվարճալի աքսեսուարներից և խորհրդանշական Jacquemus պայուսակներից: Փոխարենը, աքսեսուարները դարձել են ավելի նուրբ՝ լրացնելով LE CHOUCHOU-ի գեղեցիկ պարզությունը:
Զարդերը նույնպես պարզ չէին. Քենդալ Ջեները կրում էր մանյակ, որը կարծես հղում էր արքայադուստր Դիանայի հանրահայտ մանյակին: Արքայադուստր Դիանան ուներ թանկարժեք քարերով բրոշ, որը նախկինում պատկանել էր մայր թագուհուն։ Նա այն վերածել էր յոթ շղթայով ադամանդից, շափյուղայից և մարգարիտներով վզնոցի, որը նա կրում էր խորհրդանշական «Վրեժի զգեստի» հետ։
Սայմոն Պորտ Ժակմյուսը կիրառել է իր գիտելիքները տղամարդկանց հագուստի վրա: Այն ամեն կերպ սեքսուալ էր, ոճային, միևնույն ժամանակ շատ ավելի զուսպ, քան իր նախորդ փորձերը, հավաքածուի մեջ կարելի է տեսնել նրբագեղություն, որը պահվում էր առաջին պլանում։
Jacquemus բրենդը հիմնադրվել է 2009 թվականին Սայմոն Պորտ Ժակմյուսի (Simon Porte Jacquemus) կողմից։ Ընդամենը 19 տարեկանում Սայմոն Պորտ Ժակեմուսը Պրովանսի գյուղից տեղափոխվեց Փարիզ՝ նպատակ ունենալով հիմնել իր սեփական ապրանքանիշը՝ Jacquemus-ը:
Comme des Garçons բուտիկում աշխատելուց հետո Jacquemus ապրանքանիշը արագորեն ձեռք բերեց Ռեի Կավակուբոյի (Rei Kawakubo) աջակցությունը, ինչը ուշադրություն հրավիրեց ապրանքանիշի վրա: 2017 թվականին Ժակմյուսը իր կանացի հագուստի հավաքածուին զուգահեռ ավելացրեց կոշիկի ապրանքանիշ, իսկ 2019 թվականին թողարկեց նաև տղամարդկանց հագուստ:
Ապրանքանիշը բազմիցս ստացել է նորաձևության ոլորտի մրցանակներ: 2014 թվականին Ժակմյուսը դարձավ LVMH մրցանակի եզրափակչի մասնակից՝ ստանալով LVMH մրցանակի ժյուրիի հատուկ մրցանակը մեկ տարի անց՝ 2015 թվականին։
