Պատերազմի մեջ գտնվող Ուկրաինայի մայրաքաղաք Կիևի քաղաքային խորհուրդը քվեարկել է ԽՄԿԿ Կենտկոմի նախկին գլխավոր քարտուղար Լեոնիդ Բրեժնևին պատվավոր քաղաքացու կոչումից զրկելու օգտին։ Քաղաքային խորհրդի նիստը հեռարձակել է, մասնավորապես, «Киев24» հեռուստաալիքը։
Կիևի պատվավոր քաղաքացու կոչումը սահմանվել է 1982 թվականին։ Առաջինն այն ստացավ հենց Բրեժնևը, ով ծնվել էր Ուկրաինայի Դնեպրոպետրովսկի մարզում։ Նրան հետևելով ԽՍՀՄ մի շարք պաշտոնյաներ և զինվորականներ, ինչպես նաև այլ երկրների կոմունիստական կուսակցությունների ներկայացուցիչներ դարձան Կիևի պատվավոր քաղաքացիներ։
Կիևի քաղաքային խորհրդի որոշմամբ պատվավոր կոչումից զրկվել են ոչ միայն Բրեժնևը, այլև խորհրդային մի շարք այլ կուսակցական և պետական գործիչներ, ինչպես նաև 1980-ականների Վիետնամի կոմունիստական կուսակցության ղեկավար Թրուոնգ Չինհը։
