Հայկական շոու բիզնեսի ներկայացուցիչները՝ «Հարսանեկան պինգ պոնգ» ներկայացման պրեմիերային (լուսանկարներ)
Ինչպե՞ս կվարվեք, երբ Ձեր հարսանիքից մեկ օր առաջ արթանանաք, իսկ Ձեր մահճակալին մեկ ուրիշ աղջիկ է, իսկ թե ինչպես է հայտնվել, անգամ չեք էլ հիշում: Մի՛ շտապեք պատասխանել, ավելի լավ է նայեք, թե ինչ է անում «Հարսանեկան պինգ պոնգ» ներկայացման հերոսը, իսկ ավելի ճիշտ հերոսները, որոնք բոլորը ներգրավված են պինգպոնգային խաղի մեջ:
Երեկ Հակոբ Պարոնյանի անվան երաժշտական կոմեդիայի պետական թատրոնի բեմում խաղում էին դերասաններ Գոռ Հակոբյանը, Իննա Խոջամիրյանը, Անի Խաչիկյանը, Մանե Մխոյանը և Լևոն Հախվերդյանը, ովքեր ամբողջ ներկայացման ընթացքում փորձում էին պարզել՝ ինչ է տեղի ունեցել նախորդ գիշեր:
Ներկայացման պրոդյուսերները՝ Տիգրան Վիրաբյանը և Արման Միտոյանը, լրագրողների հետ զրույցում պատմեցին, որ ամբողջ նախապատրաստական ընթացքը տևել է մոտ երկու տարի, քանի որ սցենարային լուծումները մի փոքր բարդ էին:
Ներկայացումը կատակերգության ժանրում է, որտեղ դերասանները փորձում էին իրենց խաղով, միմիկաներով հանդիսատեսին ծիծաղեցնել:
Դերասանուհի Մանե Մխոյանը այս ներկայացման մեջ ներկայանում էր ավելի հումորային կերպարում:
«Իհարկե, երբ առաջարկը եղավ, կար մտավախություն, քանի որ իմ կերպարի սցենարային լուծումները շատ էին, արդյունքում ստացվեց, որ իմ կերպարը բացահայտում էր հանդիսատեսի համար, ինչի համար ուրախ եմ»,- լրագրողների հետ զրույցում ասաց դերասանուհի Մխոյանը:
Չնայած հանդիսատեսը սովոր է Գոռ Հակոբյանին տեսել հումորային կերպարներում, բայց թատերական ներկայացման մեջ նա ներգավված էր առաջին անգամ: Գոռը խոստովանեց, որ ներկայացման ընթացքում երբեմն մոռացել է տեքստի բառերը, բայց գործընկերները արագ հարթել են միջադեպը:
