ԱշխարհԼուրեր

Ռուսաստանը կողջունի ԵՄ-ի միջնորդական ջանքերը Ղարաբաղի շուրջ բանակցություններում. Պեսկով

Ռուսաստանը պատրաստ է ողջունելու Եվրամիության երկրների միջնորդական ջանքերը Լեռնային Ղարաբաղի հարցի շուրջ բանակցություններում, եթե դրանք նպաստեն առկա համաձայնությունների իրագործմանը: Ինչպես հաղորդում է  «Արմենպրես»-ը. վկայակոչելով ՏԱՍՍ-ը, հուլիսի 21-ին լրագրողների հետ զրույցում այս մասին ասել է Ռուսաստանի նախագահի մամուլի քարտուղար Դմիտրի Պեսկովը:

«Եթե միջնորդական ջանքերը բերում են կայունություն, կանխատեսելիություն և օգնում են գոյություն ունեցող համաձայնությունների իրագործմանը, ապա դրանք կարելի է միայն  ողջունել: Ամբողջությամբ վերցված այդ ուղղությամբ աշխատանքն ընթանում է ոչ վատ»,- ասել է Պեսկովը՝ մեկնաբանելով Եվրամիության երկրներից հնչած հայտարարությունները՝ Լեռնային Ղարաբաղի շուրջ բանակցությունների եռակողմ ձևաչափին մասնակցելու մտադրությունների մասին: 

Պեսկովը հիշեցրել է, որ Լեռնային Ղարաբաղի հարցով ՌԴ, Հայաստանի և Ադրբեջանի ղեկավարների եռակողմ պայամնավորվածություններին հնարավոր է եղել հասնել ՌԴ նախագահ Վլադիմիր Պուտինի գործադրած ջանքերի շնորհիվ: «Նա մշտական կապի մեջ է Հայաստանի վարչապետի պաշտըոնակատար Նիկոլ Փաշինյանի և Ադրբեջանի նախագահ Իլհամ Ալիևի հետ: Հիմա զբաղված ենք ձեռք բերված պայմանավորվածությունների իրականացման, կյանքի կոչման հարցերով»,- ասել է Պեսկովը: 

Թեգեր
Ավելին

Հարակից նորություններ

Back to top button
Փակել